Contenuti per adulti
Questo testo contiene in toto o in parte contenuti per adulti ed è pertanto è riservato a lettori che accettano di leggerli.
Lo staff declina ogni responsabilità nei confronti di coloro che si potrebbero sentire offesi o la cui sensibilità potrebbe essere urtata.
Che munno è chiste
Addò nce stanno miliard’e gente
‘a maggior parte bbuone
Ma c’hanna suffrì pe’ colpa
‘e ‘na manica ‘e fetiente
Ca penzano sultanto ‘e sorde
E ca’ fanno ‘a voce grossa
Pecchè tenene ll’arme cchiù putente
E appriess’a loro tanta pecurune
Ca sanne sulamente alleccà ‘o culo
Che munno è chiste
Addò nun resta ca campà ‘e speranza
Addò s’aspetta ca quaccheduno
Putesse finalmente accuncià ‘e cose
Aspetta e spera cara umanità
Nuje simme ‘a maggioranza ‘e chille bbuone
Aizamm’a capa, alluccamme cchiù forte
Facimmece sentì
E forse chella manica ‘e fetiente
Capiscene cu cchì hanna avè a che fa’
